تعبت أجرحك و أحبك

حسّ بحرقة أنفاسك وأحس بجرحك الدامي
إذا مرَّيتْ لو باسمي بلا موعد على شفاتكْ

( كثيرة ) كل ماوثَّقْتْ تاريخي وأيامي
وكثير آنا بتعذيبي أجي حتى افــ (تحيَّاتك ) !

عليكَ أمان خلق الله ولاا آمَنْ مِنَ أوهامي
قِدَرْكِ اني دفا بردك شتاك وليل حسراتك

قِدَركِ اني جمعت الطيب في تغريبة أحلامي
تبعت آثار ريح الويل في تغريبة أبياتك

أحبك واجرحك وابكيك وارمي بعدك أقلامي
أتابع ظلك الهارب وأراوغ في ملاقاتك

غريب اللي يسيِّرنا كأنَّي عشت لـ ا خصامي
بداياتي مسافة ليل يبدا من نهاياتك ..!

أقولك شيء ؟ مدري ليه أحبك ذروة آلامي
أحب انك تجافيني ولا أرضى في مجافاتك

تعبت أجرحك واحبك ..تعبت أقطف لك أنغامي
من غصون الألم وردة .. ثراها من معاناتك

تعبت أقول شوفيني عشان أعميك بابهامي
وإلى من دمَّعت عينك مسحت الدمع بسكاتك

أحبك كثر ما أخونك .. وأخونك بس قدامي
أدافع عنك وآنا اللي نسف أجمل حكاياتك

أحاول فالقصيدة بس .. ترفض كذبة أحلامي
تجيلك في وهم غيرك وتشفق لي بغيباتك

عليم الله ما غيرك قدر يحيا مع أعوامي
وكل اللي بقي مني غلط يستاهل أوقاتك

للشاعر:

ابراهيم الوافي